Cam-drin
Cam-drin
Ni chaniateir i chi fynd ati'n fwriadol i aflonyddu ar rywun, nac annog pobl eraill i wneud hynny. Rydym yn ystyried ymddygiad camdriniol fel ymdrech i aflonyddu ar rywun, ei ddychryn neu dawelu ei lais.
Materion cyd-destun
Gall rhai Trydariadau ymddangos yn gamdriniol pan edrychir arnynt ar eu pen eu hunain, ond nid pan edrychir arnynt yng nghyd-destun y sgwrs ehangach. Gall unrhyw un anfon adroddiad am achosion o dorri’r rheolau, ond weithiau mae angen i ni hefyd glywed yn uniongyrchol gan y person sydd wedi cael ei dargedu, er mwyn sicrhau ein bod yn deall y cyd-destun.
Nid yw nifer yr adroddiadau a dderbynnir gennym yn effeithio ar y penderfyniad i dynnu rhywbeth i lawr ai peidio. Er hyn, gallai ein helpu i flaenoriaethu’r drefn y mae adroddiadau’n cael eu hadolygu.
Rydym yn canolbwyntio ar ymddygiad
Rydym yn rhoi polisïau ar waith pan fydd rhywun yn riportio ymddygiad camdriniol sy'n targedu grŵp gwarchodedig cyfan a/neu unigolion a allai fod yn aelodau o’r grŵp.
Gall y targedu hyn ddigwydd mewn unrhyw ffordd (er enghraifft, @crybwyll, tagio llun, a mwy).
Mae Twitter yn ceisio darparu amgylchedd lle gall pobl deimlo’n rhydd i fynegi eu hunain. Os bydd ymddygiad camdriniol yn digwydd, mae arnom eisiau ei gwneud hi’n hawdd i bobl ei riportio i ni. Gellir cynnwys nifer o Drydariadau yn yr un adroddiad, gan ein helpu i gael gwell cyd-destun, tra’n ymchwilio i’r materion er mwyn eu datrys yn gyflymach.
Cliciwch yma i ddarganfod sut i riportio ymddygiad camdriniol ar Twitter
