The Helpline will be closed over the bank holiday weekend from 4 pm on Thursday, 28th March and we will reopen on Tuesday 2nd April 2024. Our chatbot, Reiya, will be available on our website to support navigation of the website in the meantime. All case enquiries will be responded to on reopening
Os ydych chi neu'r person rydych chi'n ei helpu mewn perygl, cysylltwch â'r heddlu drwy ffonio 999

Mae Rhywun yn Aflonyddu’n Rhywiol Arnaf Ar-lein

  1. Cyngor
  2. Mae Rhywun yn Aflonyddu’n Rhywiol Arnaf Ar-lein

Yn ddelfrydol, dylai’r Rhyngrwyd a’r cyfryngau cymdeithasol fod yn lle diogel a chynhwysol i bawb ei fwynhau. Yn anffodus, nid yw hyn bob amser yn wir, ac ambell waith gallai rhywun fod yn aflonyddu’n rhywiol arnoch ac yn eich cam-drin. Os yw hyn wedi digwydd i chi, neu os yw’n digwydd i chi ar hyn o bryd, peidiwch â phoeni, rydym yma i gynnig cyngor a chefnogaeth.

Yn gyntaf, gadewch i ni drafod y pethau elfennol: Beth mae aflonyddu’n rhywiol yn ei olygu? A sut fyddai rhywun yn gallu aflonyddu’n rhywiol arnoch ar-lein?

Diffinnir aflonyddu rhywiol ar-lein fel ymddygiad rhywiol digroeso ar unrhyw blatfform digidol neu safle cyfryngau cymdeithasol. Gall ‘ymddygiad rhywiol digroeso’ ddigwydd mewn llawer o wahanol ffyrdd, gan gynnwys derbyn negeseuon neu ddelweddau wedi’u rhyweiddio (e.e. lluniau o organau rhywiol dynion), dioddef bwlio o natur rywiol neu brofi camddefnyddio delweddau personol (a elwir hefyd yn 'Bornograffi Dial').

Mae defnyddwyr yn riportio aflonyddu rhywiol yn aml ar apiau caru fel Tinder, Bumble a Grindr. Yn anffodus, gall ddigwydd ar safleoedd fel Twitter a LinkedIn hefyd. Mae aflonyddu rhywiol ar-lein yn aml yn digwydd ochr yn ochr ag aflonyddu yn yr ysgol neu’r gweithle, a gall achosi i unigolyn deimlo ei fod yn cael ei fygwth, neu ei fychanu, a bod pobl yn gwahaniaethu yn ei erbyn.

Os ydych wedi cael profiad o’r uchod, mae’n bosibl y byddwch yn gofyn cwestiynau fel hyn i chi eich hun: Beth alla i ei wneud os bydd rhywun yn aflonyddu’n rhywiol arnaf? Sut mae riportio aflonyddu rhywiol ar-lein? Ac ydy aflonyddu rhywiol ar-lein yn anghyfreithlon? Peidiwch â chynhyrfu! Rydyn ni yma i roi atebion i’r cwestiynau hyn. 

Yn gyntaf, os oes rhywun yn aflonyddu’n rhywiol arnoch ar hyn o bryd, mae nifer o leoedd y gallwch droi atynt i gael help a chefnogaeth. Nid yw aflonyddu rhywiol yn cael ei oddef ar safleoedd rhwydweithio cymdeithasol a gellir ei riportio’n uniongyrchol i’r platfformau hyn. Gallwch hefyd riportio aflonyddu rhywiol i wefannau caru sy’n cael eu defnyddio’n aml, yn yr ap neu drwy’r canolfannau cymorth. Os ydych wedi dioddef camddefnyddio delweddau personol, gallwch gysylltu â’r Llinell Gymorth Pornograffi Dial i gael rhagor o gymorth. 

Mae pob trais rhywiol, gan gynnwys aflonyddu rhywiol, yn anghyfreithlon a dylid ei riportio i’r Heddlu. Os ydych chi neu rywun rydych yn ei adnabod mewn perygl uniongyrchol, ffoniwch 999.

Darganfyddwch isod sut i riportio cynigion rhywiol digroeso i safleoedd rhwydweithio cymdeithasol sy’n cael eu defnyddio’n aml:

  1. Hi there

  2. I'm a chatbot here to support you in finding information and reporting content at a time that works for you

  3. If you want me to help you with your issue, just click below